РЫЦХIАГIА ЗХЪТЫСЫЗ ГЬЫРХЪАШТЫЛУАМ


РЫЦХIАГIА ЗХЪТЫСЫЗ ГЬЫРХЪАШТЫЛУАМ
19.04.2019



 11 агIан Бухенвальд концлагерь апны йкIыз тшгIащтIырхын, тшгIадырхвитхтI. ООН ащаквыргылрала апрель а 11 афашист концлагерьква йыртачIваз ангIадырхвитхыз йа-МшпI. – АрыцхIагIа ду зхътысыз рыхъазла ауи амш амагIны дупI. ТгIачва мильуанпхьадзара аконцлагерь йташваз рцриква гьрымбахтI. Аконцлагерь йтачIваз асабиквагьи рылан, ауи уазхъвыцырнысгьи чхIауачвапI. ДжьабагIа зхътыста йгIащаквхарныс зынасып йгIанакIыз уахьчIвагьи йхIылапI. ХIреспублика апны аконцлагерь йкIыз йрысасын авласть органква рунашвачпагIвчва, аволонтерква, апхьагIвчва. Ауат айсра зыла йыцIсыз, афашизм злазхIваз йырхIвауа йаздзыргIвырныс магIын ду азырбитI, – йхIватI КЧР а-Хъада Темрезов Рашид. ХIреспублика апны аконцлагерь йтачIвата йаъаху жвахыгIв ракIвпI: Беленький Макс Владимир йпа; Кутьина Любовь Петр йпхIа; Карева Светлана Андрей йпхIа, Власова Эмилия Август йпхIа; Никулина Вера Николай йпхIа; Мартиди Георгий Иван йпа; Штемберг Любовь Григорий йпхIа; Железнякова Наталья Гавриил йпхIа; Матак Николай Николай йпа; Ильина Александра Харитон йпхIа; Патенкова Мария Петр йпхIа; Журавкова Екатерина Степан йпхIа; Косарева Валентина Иван йпхIа. Ауат йрызцатI авласть органква рынхагIвчва, апхьагIвчва, аволонтерква. КЧР АуагIа Айззара (а-Парламент) а-Председатель ИВАНОВ Александр, Черкесск город амэр йзаместитель УАЗ Артур йгьи абзазагIвчва рсоциальна хчарала а-Унашвачпарта ахъвшара знапIыцIу ДУБИНИНА Елена Черкесск йбзазауа ЖУРАВКОВА Екатерина Степан йпхIа лпны йаъан. Ауи Брянск область дауапI, рышта афашистква йанырнапIыцIаркI атутанакътаракви алагерькви гIандыршатI. Екатерина дсабидзан, джьабагIата йылхътысыз гьмачIым, йапхъахуз лысквшква, айсра амщтахьгьи лтгIачва агIылахIва амли ахьти йгIарцхатI. Журавкова Екатерина Къарча-Черкесгьи лцрихатI, асквш 1965 агIан лхъапщыла длыцта араъа йбзазарныс йгIайтI. Лхъапщыла сквшщарда «Холодмаш» апны, уадыргIвана атекстиль промышленность апны дынхатI. Лара асабигIзарта дынхун, уахьчIва ргIариква йгIарыцIагылыз асабиква дырхьпшитI. – Аконцлагерь йтачIваз ргIахIвахраква заджвгьи гвалымста дгьгIаныржьуам, – йхIватI Иванов Александр. – Мильуан 20-гIв аконцлагерьква йыртачIван, ауат хвмильуаныгIвкI сабита йрылан. ЙгIадзынгылуа абанпара атурых рхъаштылра гьатахъым.КЧР а-Правительства а-Председатель УАЗ Аслан Анатолий йпа аконцлагерь йтачIваз КОСАРЕВА Валентина Иван йпхIа лпны даъан. ВЛАСОВА Эмилия Август йпхIа йлызцаз ауагIахъа уысквала, ажвлара коммуникацияквала йгьи печатьла аминистр ХАПИШТОВ Мурат Азамат йпа пхата длайхIвахIвтI. ГIапсара щарда зыла йыцIсыз ахIбачва гватра ъарзалырхыз швабыжта йыргвапахатI, хIреспублика аунашвачпагIвчва аразыра ажваква гIарархIвтI.



Считаешь эту страницу интересной? Поделись со всеми


Добавить новый комментарий