ЗЫЛШАРАКВА АХЪАРЫСУ ДЫРГВЫРГЪЬАТI


ЗЫЛШАРАКВА АХЪАРЫСУ ДЫРГВЫРГЪЬАТI
19.04.2019


Апрель а 2 аутизм згIва зму йыр-Дуней мшыта йырпхьадзитI. Ари атшын Россияла апшта, хIреспубликалагьи зылшараква ахъарысу асабиква рыхъазла айззараква адыргалтI. Черкесск город йаныргIалу йагIбахауа квпшыра зму акоррекционна апхьарта йакIвшаз агвыргъьахъв йалан социальна политикала, ауагIа рызгIвадарахчарала йгьи экологияла КЧР АуагIа Айззара (а-Парламент) акомитет апредседатель ЧЕРВОНОВА Елена, нхарали социальна тшауацIыхрали КЧР аминистр йзаместитель ХУБИЕВА ФатIима, Черкесск город амэрия арыпхьарала ахъвшара знапIыцIу йзаместитель СЛОБОДЧИКОВА Наталья. Айззара адгалагIвчва йшгIалыркIгIазла, асквш 2007, декабрь а 18 йадкIылу ауагIахъаква рорганизация (ООН) а-Генеральна Ассамблея арезолюцияла апрель а 2 аутизм згIва зму йры-Мшта йщаквдыргылтI. Адуней апны йуызмырбзихауа азгIва зхьуа цхърагIара драдзара, рбзазара агъьчIвра шатахъу ауагIа йрылагара мурадла ансисквшагьи ари амш дыртлапIитI. Аутизм зхьуа асабиква шщардагIву апхьадзараква йгIадырбитI, ауат йызгIваду, къару зму рцхърагIара йанакIвызлакIгьи йазыбжапI. Агвыргъьахъв йдрайгваз асасчва зылшараква ахъарысу асабиква социальна цхърагIара драдзара, рарыпхьара магIныта йаму гIалыркIгIатI. Акоррекционна апхьарта йыцIу асабиква «Зажги синим» акция йацыркIуата рнапIыла йырчпаз акъырльу чIыхвква дугьи хвыцгьи йрыларшатI йгьи ашар чIыхвква ажвгIванд йаларжьтI. Ауат ашвахIварала, гIахIврала йгIайззаз рыла дырпшытI. 



Считаешь эту страницу интересной? Поделись со всеми


Добавить новый комментарий